Archive

Archive for ஒக்ரோபர், 2009

கத்திரிப்பூ தாவணி 5

என் கைபேசி , எப்படி இதை மறந்தேன் நடந்த சம்பவங்கள் என்னை அந்த அளவிற்கு சிந்திக்க விடாமல் செய்து கொண்டிருந்ததால் இருக்கலாம் . இனி சற்று பயமில்லாமல் இருக்கலாம் . யாருக்காவது நாம் வந்து கொண்டிருப்பதை இவர்கள் அறியா வண்ணம் குறுஞ்செய்தி அனுப்பி விடலாம் . அது நமக்கு பாதுகாப்பாக இருக்கும் என்று நினைத்து என் வீட்டிற்கு அருகில் உள்ள தோழி ஒருத்திக்கு குறுஞ்செய்தி அனுப்பினேன்.
இப்போது எந்த பள்ளத்திலும் ஏறி இறங்காமல் ஆட்டோ தானாக ஒரு ஓரமாக நின்றது. மூவரும் ஒரு சேர கிழே இறங்கினர் . எனது கைகள் தானாகவே கைபேசிக்கு சென்றது , கண்கள் மெல்ல கத்திரிப்பூ தாவணி பக்கம் சென்றது .

கத்திரிப்பூ பூக்கும் ….

பிரிவுகள்:சிறுகதைகள்

கத்திரிப்பூ தாவணி 4

திடீரென்று ஒரு பள்ளத்தில் ஏறிஇறங்கிய ஆட்டோ அப்படியே நின்று விட்டது . அவர்களுக்குள் எதுவும் பேசிக்கொள்ளவில்லை என்றாலும் அவர்கள் எதோ பேசி கொள்வது போலவே தோன்றியது. முதலில் வந்து பேசியவன் அவன் தான் இப்போதும் பேசினான் , ஆட்டோவில் சிறிய பிரச்சினை சில நிமிடங்களில் சரியாகிவிடும் என்றும் தெரிவித்தான். மூவரும் ஆட்டோவுக்கு பின்னால் சென்றனர் சிறிது நேரத்திற்கு எந்த பேச்சு குரலும் கேட்கவில்லை.
நாள் முழுவதும் நின்ற களைப்பால் அயர்ந்து விட்டுருந்தாள். அவளை விட்டு கிழே இறங்கவும் மனசில்லை . என்ன நடக்கிறது என்பதை அறியவும் ஆவல் ,மெதுவாக செருமினேன், அந்த நெடிந்த தேகம் தலையை மட்டும் எட்டி பார்த்து வண்டி சரியாகி விட்டது என்று தலை ஆட்டினான். வறண்ட என் உதடுகளை நனைப்பதற்கு தண்ணீர் பாட்டில் தேடினேன் அப்போது தான் பையில் அது சிக்கியது ஆபத்பாந்தவனாய் . இப்போது அவள் தாவணி மெதுவாக காற்றில் அசைந்தது .

கத்திரிப்பூ பூக்கும் ….
பிரிவுகள்:சிறுகதைகள்

கத்திரிப்பூ தாவணி 3

அந்த இருவரில் ஒருவன் சற்றே ஒல்லியாகவும் நெடிசலாகவும் இருந்தான் . விளக்கு வெளிச்சத்தில் அருகே வரும்போது தான் அவன் எங்களுடன் துணி கடையில் வேலை செய்பவன் என்பது தெரிய வந்தது. பேருந்து சென்று விட்டது எனவும் தங்களோடு வந்தால் ஆட்டோ பிடித்து அனுப்பி வைப்பதாகவும் சொன்னான் . நாங்கள் இருவரும் அதிகமாக யாருடனும் பழகாததால் எனக்கு சற்று தயக்கமாக இருந்தது . ஆனால் அவளோ உடனே சரி என்று தலை ஆட்டி விட்டாள்.

எனது பதிலுக்கு காத்திராமல் முன்னே செல்ல ஆரம்பித்து விட்டனர் . அவளும் நடக்க ஆரம்பிக்க அந்த தெரு திரும்பியவுடனே ஒரு ஆட்டோ நின்று கொண்டு இருந்தது . இந்நேரத்தில் எப்படி இங்கு ஒரு ஆட்டோ என்று நான் முழித்துக் கொண்டிருக்க அவளோ உடனே ஏறி உக்காந்து விட்டாள் . நானும் அவளும் பின்னால் உட்கார அவர்கள் எங்கள் நெருக்கத்தை தவிர்க்க விரும்பாமல் இருவரும் முன்னால் உட்கார்ந்து கொண்டார்கள் . ஆட்டோ மெல்ல நகர ஆரம்பித்தது . அந்த இருள் சூழ்ந்த இரவிலும் நாம் போகும் பாதை சரிதானா என்று என் கண்கள் நோட்டமிட்டு கொண்டிருக்க அவளின் கத்திரிப்பூ தாவணி மட்டும் எந்த வித சலனமும் இன்றி அவளோடு ஒட்டி கொண்டிருந்தது .

கத்திரிப்பூ பூக்கும் ….

பிரிவுகள்:சிறுகதைகள்

கத்திரிப்பூ தாவணி 2

இருவரும் சேர்ந்து வேலை பார்த்த அந்த துணி கடையில் எப்போதும் கூட்டம் அலை மோதி கொண்டிருக்கும். மத்திய இடைவெளின் போது கூட சரியாக பேச முடியாது. இரவு வீட்டுக்கு செல்வதற்காக பேருந்துக்கு காத்திருக்கும் போது கிடக்கும் சிறிய இடைவெளிதான் எங்கள் நட்பு பரி மாறப் பட்டு வந்தது. அன்றும் அப்படித்தான் வேலை முடிந்து பேருந்துக்காக காத்துக்கொண்டிருந்தோம். சற்று தள்ளி ஒரு கும்பல் நின்று கொண்டிருந்தது. பேருந்து நிறுத்தத்தின் விளக்கு வெளிச்சத்தில் இருந்து சற்று தள்ளி இருந்ததால் அவர்கள் யார் என்று தெரியவில்லை. வழக்கமாக வரும் பேருந்து சென்று விட அது தெரியாமல் காத்துக்கொண்டே இருந்தோம் . அந்த கும்பலில் இருந்து இருவர் மட்டும் எங்களை நோக்கி வந்து கொண்டிருந்தனர். அந்த பின்னிரவு வாடை காற்றிலும் எனக்கு லேசாக வேர்த்தது. நடப்பது எதுவும் தெரியாமல் அருகில் இருந்த அவளின் கத்திரிப்பூ தாவணி நுனி காற்றில் கோலமிட்டு கொண்டிருந்தது.

கத்திரிப்பூ பூக்கும் ……
பிரிவுகள்:சிறுகதைகள்

கத்திரிப்பூ தாவணி 1

அந்த கத்திரிப்பூ போட்ட தாவணி மேல் அவளுக்கு என்ன பிரியம் என்று தெரியாது வாரத்திற்கு நன்கு நாட்களாவது அதே தாவணியை போட்டு கொண்டிருப்பாள். அவளிடம் போதுமான துணிகள் இருந்தும் இந்த கத்திரிப்பூ போட்ட தாவணி தான் படாத பாடு பட்டது. நான் அவளிடம் ஏனோ இதை பற்றி ஒருபோதும் விவாதித்ததில்லை. அவளின் கள்ளமில்லா சிரிப்பும் அளவில்லா நட்பும் என்னை அவளோடு கட்டி போட்டு கொண்டிருந்தது அந்த கத்திரிப்பூ போட்ட தாவணி போல.

கத்திரிப்பூ பூக்கும் ……..

பிரிவுகள்:சிறுகதைகள்

தங்கை

நீ முதன் முதலாய் தாவணி கட்டியபோது
நான் தகப்பனானேன்!

பிரிவுகள்:படங்கள்

கடவுள் தண்டிப்பாரா?

இமயமலையில் யாத்திரையாக பிரம்மச்சாரிகளோடு சென்றிருந்தபோது, ஒரு பிரம்மச்சாரி என்னிடம் கேட்டார், “கடவுள் தண்டிப்பாரா?” என்று.”தண்டிப்பவர் கடவுளாய் இருக்க முடியாது” எனச் சொன்னோம்.உடனே அவர் கேட்டார், “அப்படியானால் கெடுதல்கள் செய்பவர்களுக்குத் தண்டனைகளே கிடையாதா? அவர்கள் எப்படி வேண்டுமானாலும் வாழலாமா?”அவரக்கு இந்தக் கதையைத்தான் பதிலாகச் சென்னோம்…குருகுல மாணவன் சிறுவன் ஆனந்தன், தன் குருவோடு முதல் முறையாக இமயமலை யாத்திரைக்கு வந்திருந்தான்.வானுயர, பிரம்மாண்டமாய் நிற்கும் மலைகளுக்கு நடவே எறும்பு போல, தான் இருப்பதைப் பார்த்து பிரம்மித்தான்.கீழே இருக்கும் தன் நண்பனை அழைப்பதற்காக “வாடா” என்றான்.சப்தமாய் மலையிலிருந்து “வாடா” என்று குரல் எதிரொலித்தது.தன்னை, “யார் வாடா” என்று கூப்பிட்டது என்பதை தெரிந்து கொள்ள, “யாரது?” என்றான்.”யாரது?” என்று மலையும் திரும்பக் கேட்டது.சிறுவன் கொஞ்சம் பயத்தோடு, “நீங்க யாரு?” என்றான். உடனே மலையும் அதேக் கேள்வியைத் திரும்பக் கேட்க, பயந்து, ஓடிப் போய் குருவைப் பார்த்து நடந்ததைச் சொன்னான்.குரு சிரித்தபடியே சொன்னார்…”இதுதான் இயற்கை, இதுதான் வாழ்க்கை.நீ என்ன செய்கிறாயோ அதுவே உன் வாழ்வில் எதிரொலிக்கும். வாழ்வை மதித்தால், வாழ்வும் உன்னை மதிக்கும். அலட்சியத்தோடு, இறுமாப்போடு வாழ்ந்தாலும், வாழ்வும் அப்படித்தான் உன்னை நடத்தும்,” என்று மலை எதிரொலிப்பு தத்துவத்தை, வாழ்வு தத்துவத்தோடு புரிய வைத்தார்.அதேப்போலத்தான், கெடுதல் கூட செய்ய வேண்டாம்.வாழ்வை எதிர்த்தாலே போதும், வாழ்வு அவரை எதிர்க்கும்.வாழ்வை வரவேற்றால்,அவரை….வாழ்வு வரவேற்கும்.எனவே இந்த நிமிடம் வாழ்வைக் களிப்போடு, உற்சாகத்தோடு அணுக ஆரம்பியுங்கள்.வாழ்வும் அதையே உங்களுக்குத் தர ஆரம்பிக்கும். வாழ்க்கை உங்களை நிர்ணயிப்பதில்லை. நீங்கள்தான் வாழ்வை நிர்ணயிக்கின்றீர்கள். கடவுள் நம்மைத் தண்டிப்பதில்லை, நாம்தான் நம்மையே தண்டித்துக் கொள்கிறோம்.பிரபஞ்சத்தை நோக்கிய உங்களின் அணுகுமுறையைத் தான் வாழ்க்கை எனும் எதிரொலிப்பாய் வாழ்கிறீர்கள்.இனிமையாய் அணுகுங்கள்.இனிமையாய் எல்லாம் அமையும்.இது வாக்கல்ல,என் வாழ்வில் நான் கண்ட அனுபவம்.வாழ்வை இனிமையாய் அணுகுவதும், நம்மை அதற்கென தயார் செய்வதும் ஜீவன் முக்த வாழ்வை வெளிப்படுத்த வைக்கும்.

நன்றி : ஜீவன் முக்திபரமஹம்ஸ நித்யானந்தரின் அமுத

மொழிகள்(சுருக்கத் தொகுப்பு)
நன்றி :வெப்துனியா
பிரிவுகள்:கட்டுரைகள்